வள்ளல் பெருமான் எனக்கு சுத்த தேகத்தில் யோக நித்திரையில் காட்சி கொடுத்த அனுபவங்களை நான் இங்கு பதிவிடுகிறேன் ! நான் சுத்த சன்மார்க்கத்திற்கு வந்த பிறகு வள்ளல் பெருமான் செத்தாரை எழுப்புகின்ற சித்து இருக்கு என்று குறிப்பிடுவதை நான் திருவருட்பாவில் படித்துள்ளேன்.பலமுறை வள்ளல் பெருமானிடம் எனது கணவரை எழுப்பி கொடுங்கள் என்று கேட்டுள்ளேன். 2018 யோக நித்திரையில் : நானும் மற்றும் எனது தோழிகளும் ஞான சபையில் வழிபாட்டில் இருந்தோம். திடீரென்று சபைக்குள் ஒரு பாம்பு வருகின்றது.அங்கே இருந்த நபர் பாம்பை பிடித்து அதன் கழுத்தை வெட்டி விடுகிறார். கழுத்தை வெட்டியவுடன் ரத்தம் தெறித்தது. பின்பு ஞான சபை கதவு திறந்து அதிலிருந்து வள்ளல் பெருமான் வெளியே சுத்த தேகத்தில் வந்தார். வள்ளல் பெருமானின் முகம் கவலையாக இருந்தது. பின்பு அவர் என் இடத்திலேயே வந்து ரத்தம் சிந்துகிறீர்களா என்று கேட்டார். பின்பு ஞான சபையை விட்டு வேகமாக வெளியேறினார். அங்கே இருந்தவர்கள் எல்லாம் பிரம்மை பிடித்தது போல் அய்யய்யோ பெருமான் வெளியே செல்கிறாரே என்று பார்த்துக் கொண்டிருந்தார்கள். நான் வள்ளல் பெருமானார் பின்பு வேகமாக ஓடிச் சென்று ஐயா நில்லுங்கள் எங்களை விட்டுட்டு போயிடாதீங்க நில்லுங்கள் ஐயா நில்லுங்கள் ஐயா என்று கத்திக்கொண்டே ஓடினேன். பெருமான் நிற்காமல் சென்று கொண்டே இருந்தார். அவர் நிற்கவேயில்லை பின்பு நான் என்ன செய்தேன் என்றால் வேகமாக சென்று அவரை மரித்து நின்று கொண்டேன். ஐயா நீங்கள் எங்களை விட்டுச் சென்று விடாதீர்கள். நீங்கள் எங்களை விட்டு செல்வது எங்களுக்கு மிகவும் வருத்தம் என்று நான் அவரிடம் கூறினேன். அதற்குப் பெருமான் இவ்வாறு பதிலளித்தார் " திருந்த மாட்டேங்கிறார்களே நான் எவ்வளவு சொல்லியும் திருந்தவே மாட்டேங்கிறார்களே" என் இடத்திலேயே வந்து ரத்தம் சிந்த வைக்கிறார்களே என்று கேட்டார். அதற்கு நான் திருந்துவாங்க ஐயா நீங்கள் கூட இருந்தால் எல்லாரும் திருந்துவாங்க ஐயா என்று கூறினேன். அதற்குப் பெருமான் சிரித்தார் . வள்ளலாரருக்கும் முகத்தில் இருந்த கவலை மறைந்து விட்டது.பின்பு நான் உடனே எனது கணவரை எழுப்பி கொடுங்கள் என்று கேட்டேன். அதற்கு பெருமான் தன் தொடையை தட்டி விட்டு எழுப்பிடலாம் என்று கூறினார். அதைக் கேட்டவுடன் நான் மகிழ்ந்தேன். பின்பு பெருமானை பின் தொடர்ந்தேன். பெருமான் ஒரு சத்திரத்திற்குள் சென்றார். நான் அவரிடம் ஐயா இளைப்பாருங்கள் என்று சொன்னேன். விட்டால் பெருமான் அங்கிருந்து சென்று விடுவாரோ என்று நான் அவரை கண்காணித்துக் கொண்டே இருந்தேன். தெருவில் சில மக்கள் நடந்து வருகிறார்கள். அவர்கள் என்னை பார்த்து விட்டு இந்த சத்திரத்தில் யாருமே இருக்க மாட்டார்களே என்று கூறி என்னை நோக்கி வந்தார்கள். அங்கே பெருமானை பார்த்தவுடன் ஐயோ ராமலிங்க சுவாமிகள் வந்துட்டாங்க வந்துட்டாங்க ! ஐயா எங்களை விட்டு விட்டு சென்ற நீங்கள் வந்துட்டீங்களா !வந்துட்டீங்களா ! என்று மகிழ்ச்சியுடன் அங்கு அனைவரும் பெருமானின் காலடியில் விழுந்தார்கள். நான் நினைத்தேன் இவர்களெல்லாம் பெருமான் காலத்து ஆட்கள் போல என்று ! அங்கிருந்த அனைவருக்கும் கண்களில் ஆனந்த கண்ணீர் வந்து , ஐயோ ராமலிங்க சுவாமிகள் வந்துட்டாங்களே என்று மகிழ்ச்சியில் இருந்தார்கள்.உடனே யோகநித்திரையும் கலைந்தது.சுத்த தேகத்தில் பெருமான் முகமும், உடலும் ஒளியோடு அப்படி ஒரு தெய்வீகமாக பொலிவதை காணும் பேறு கிடைத்தது வரமாகவே எப்போதும் உணர்கிறேன் ஆன்ம நேய சகோதர சகோதரிகளே.

கீழே உள்ள தகவல் ரஷியன் மொழியில் இணைக்கப்பட்ட வீடியோவிலிருந்து பிரித்தெடுக்கப்பட்டது: வள்ளலார் பற்றிய தகவல்களும், மக்களுக்கு அவர் ஆற்றிய செய்தியும் அடங்கிய காணொளி. இச்செய்தி இராமலிங்க வள்ளலரால் கட்டளையிடப்பட்டு அவர் கனவில் தோன்றிய அவரது பக்தர் ஒருவரால் எழுதப்பட்டது “சர்வவல்லமையுள்ள கடவுளின் ஒளியை நீங்கள் ஆர்வத்துடன் பார்க்க விரும்புகிறீர்கள், அவருடன் நெருங்கி பழகவும், இந்த அனுபவத்தை ஒரு புதிய விளையாட்டாகக் கருதவும் விரும்புகிறீர்கள். நான் உங்களுக்குச் சொல்கிறேன்: கடவுள் தொடர்பான விஷயங்களில் எந்த விளையாட்டையும் விளையாடாதீர்கள் - இது பொறுப்பற்ற தன்மை. இந்த உச்ச ஒளி (Light of Perfection) எந்த ஒளியையும் அல்லது மின்னலையும் விட மில்லியன் மடங்கு வலிமையானது என்பது உங்களுக்குத் தெரியாதா? நீங்கள் நெருப்புக்கு பயப்படுகிறீர்கள், ஆனால் கடவுளின் ஒளிக்கு அல்ல, ஆர்வத்துடன் அவரை உங்கள் முன் தோன்றுவதற்கு பொறுப்பற்ற முறையில் விரும்புகிறீர்கள். நீங்கள் தயாராக இல்லாதபோது அவர் உங்கள் முன் தோன்றினால் - உங்கள் மனம் பைத்தியமாகிவிடும், தாங்க முடியாத வலியால் உங்கள் உடல் அதிர்வுறும், நீங்கள் ஊமையாகவும் குருடாகவும் மாறுவீர்கள், யாராலும் உதவ முடியாது என்று நீங்கள் நினைக்கவில்லை. உன் வாழ்நாளின் இறுதி வரை அலையும் பைத்தியக்காரனைப் போல் ஆக்கிவிடும். ஒளியின் உன்னத அருளை வெளிப்படுத்தியவரின் அறிவுரையைக் கேளுங்கள், அவருடன் எப்போதும் ஒன்றாக இணைகிறது. உங்கள் மனதை தயார் செய்யுங்கள்; மிகுந்த கவனத்துடனும் அக்கறையுடனும் உங்கள் உடலை தயார் செய்யுங்கள். வெளிப்புறத்தை மட்டுமல்ல, உட்புறத்தையும் தயார் செய்யுங்கள். கொல்லப்பட்ட உயிரினங்களை உண்பதை நிறுத்துங்கள், கெட்ட பழக்கங்களையும் எண்ணங்களையும் அழித்து விடுங்கள், பின்னர் அத்தகைய எளிமையில் என்னிடம் வாருங்கள். ஒளியின் உன்னத அருளைப் பெற நீங்கள் உண்மையிலேயே ஆசைப்பட்டால் அதை உணர உங்கள் தாயும் தந்தையும் உங்களுக்கு உதவுவது போல் நான் இருக்கிறேன். நான் தெய்வீக கிருபையின் ஒளியைப் பிரதிபலிக்கும் கண்ணாடி. உங்கள் கவனத்தை என் மீது செலுத்தினால் உங்களால் பார்க்க முடியும், ஏனென்றால் நான் அவருடைய பிரதிபலிப்பு மற்றும் அவரிடமிருந்து வேறுபட்டவன் அல்ல. இருப்பினும், என்னை எப்படிக் கண்டுபிடிப்பது என்று நீங்கள் கவலைப்படுகிறீர்கள். நான் குறிப்பிட்ட எந்த இடத்திலும் இல்லை; என் தங்குமிடம் முழு பிரபஞ்சம். ஆனால் நீங்கள் என்னை அழைத்தால், நான் உங்களுக்கு நெருக்கமாக இருப்பேன். "அருட் பெரும் ஜோதி" என்ற மந்திரத்துடன் ராமலிங்கா என்று அழைக்கவும், நான் வருவேன்" நீங்கள் என்னைப் பார்க்க முடியாது, என்னைத் தொட முடியாது, ஆனால் உங்கள் நுட்பமான சாரத்தால் நீங்கள் என்னை உணர முடியும், ஏனென்றால் நான் அனைத்து படைப்புகளுடன் ஒன்றிணைந்து தங்கியிருக்கிறேன். உங்கள் அனைவரிடமும். எனவே, படிப்படியாக, என் ஒளி உங்களுக்குள் வெளிப்படுத்தும், இது உச்ச ஒளியின் பிரதிபலிப்பாகும். நீங்கள் ஒரு இருண்ட அறையில் நீண்ட நேரம் அமர்ந்திருந்தால், அறையை விட்டு வெளியேறி சூரியனைப் பார்ப்பது உடனடியாக சாத்தியமில்லை - அதே போல் நீங்கள் உங்களைத் தூய்மைப்படுத்திக் கொள்ள வேண்டும், உங்கள் மனம், உடல், உணர்வுகளை அருள் ஒளியின் மாற்றத்திற்குத் தயார்படுத்த வேண்டும். ஒளியின் வடிவமாக என்மீது கவனம் செலுத்துவதைத் தொடருங்கள், உன்னதமான கருணையின் ஒளியால் எனக்கு வழங்கப்பட்ட உடலுக்கும் ஆன்மாவிற்கும் இடையிலான இறுதி ஐக்கியத்தின் சக்தியால் நான் உங்களுக்காக எல்லாவற்றையும் செய்வேன். என் அன்பான பக்தர்களே, ஒருபோதும் மறந்துவிடாதீர்கள்: பூரணத்தின் ஒளி எங்கு போற்றப்படுகிறது - இருளுக்கு சக்தி இல்லை. உங்கள் வாழ்க்கை ஒரே மாதிரியாக இருக்காது, ஆனால் மாறும். உங்கள் இதயம் முழு பிரபஞ்சத்தையும் உள்ளடக்கியது மற்றும் கடவுள் இரக்கத்தால் மூழ்கடிக்கப்படுகிறார், மேலும் உங்களில் பலர் புரிந்து கொள்ள மாட்டார்கள், விமர்சிப்பார்கள், உங்களை விட்டு ஓடுவார்கள், உங்களை சுட்டிக்காட்டுவார்கள். அந்த நிமிடத்தில் இருந்து பல விஷயங்கள் மாறும். இது சுதந்திரம் ஆனால் அது துன்பத்தை ஏற்படுத்தும். எனக்காக இதைச் செய்ய நீங்கள் தயாரா? நான் இந்த ஒளியைப் பற்றி ஒரு கவிதை வடிவத்தில் பேசினேன், ஆனால் என் வார்த்தைகளின் உண்மையான அர்த்தத்தை யார் உணர்ந்தார்கள்? அழகான கவிதைகளின் மீது காதல் வயப்பட்டு, வசனத்தின் அழகில் வசப்பட்டு, அர்த்தத்தால் அல்லாமல், அவற்றின் உண்மையான மதிப்பை மறந்துவிட்டனர் பலர். பக்தி என்பது இறுதி வழி, நீங்கள் அதைச் செய்ய விரும்பவில்லை என்றால், உன்னத அருளின் ஒளியை நீங்கள் என்றென்றும் மறந்துவிடலாம். கடவுளுக்காக தன்னை தியாகம் செய்ய விரும்பாதவர்களுக்கு இது வராது, எப்போதும் உங்களிடமிருந்து மறைக்கப்படுவார். பழைய வாழ்வு, உலக இன்பங்களை விரும்புபவராக இருந்தால், பரிபூரண ஒளியைப் போற்றி நான் எழுதிய என் கவிதைகளைத் தொடர்ந்து அழகாகப் பாடி, யாத்திரைத் தலங்களில் சுற்றித் திரிந்து, கண்ணீருடன் மந்திரங்களைச் சொல்லி, விடுமுறையைக் கொண்டாடலாம் பூசம் மாதத்தில்.ஆனால் இந்த வழியில், ஆயிரக்கணக்கான ஆண்டுகளுக்குப் பிறகும், உன்னத அருளின் ஒளியின் துதியிலிருந்து என் கண்களின் கண்ணீரை உங்களால் பார்க்க முடியாது. என் உண்மையான குழந்தைகள் விளையாடுவதில்லை; இரவும் பகலும் அவர்கள் தங்கள் மனதையும் உடலையும் தெய்வீக மாற்றத்திற்கு தயார் செய்கிறார்கள்; இரவும் பகலும், எங்கும், எந்த இடத்திலும் நான் அவர்களின் இதயங்களில் தங்கியிருக்கிறேன்; அவர்களின் உயிர்-என் மூச்சு, அவர்களின் மனம்-என் மனம், அவர்களின் சொல்-என் சொல். தெய்வீக அருளை வழங்குவதற்கு அவர்கள் தயாராக உள்ளனர். அவர்கள் என் சார்பாகப் பேசத் தகுதியானவர்கள்; அவர்கள் விளையாடுவதில்லை ஆனால் என்னுடைய உண்மையான அறிவை பரப்புகிறார்கள். அவர்கள் இருக்கும் இடத்தில்தான் நான் முழுவதுமாக வசிக்கிறேன். அவர்கள் என் உண்மையான மகன்கள் மற்றும் மகள்கள். மீதமுள்ளவர்கள் வெறுமனே பின்பற்றுகிறார்கள். நான் புறப்படுவதற்கு முன், அருள் ஒளியின் சபை கோவிலின் கதவை மூடிவிட்டேன், ஆனால் உண்மையில் எனது கோட்பாட்டை உணர தகுதியான சீடர் கிடைக்கவில்லை. நான் சென்ற பிறகு கோவிலை திறந்தார்கள் ஆனால் அருள் ஒளி இருக்கிறதா? மிக உயர்ந்தவருடன் இணைந்தவரின் எனது சாட்சியங்களை மீறுதல்… அந்த இடங்களில் என் ஆன்மீக குழந்தைகள் இல்லை, அந்த சுவர்கள் காலியாகிவிட்டன, அந்த நிலம் வறண்டு போனது. எனது வசிப்பிடம் எங்கே என் குழந்தைகளின் இதயங்களில் கருணை ஒளியின் அனைத்து உயிரினங்களின் மீதும் அக்கறையும் அக்கறையும் இருக்கிறது, அங்கு எனது படைப்புகள் பொக்கிஷங்களாக மதிக்கப்படுகின்றன, திருமணத்தைப் போல விடுமுறை நாட்களில் பாடுவதில்லை. கேள் என் அன்பே... நான் நிரந்தரமாக இருப்பவன். நான் எப்பொழுதும் பகிர்ந்து கொண்டேன், எதையும் எடுக்காமல் பகிர்ந்து கொண்டேன். ஆனால் என்னைப் பின்பற்றுபவர்கள் எடுத்துக்கொண்டும் எடுத்துக்கொண்டும் இருக்கிறார்கள், பகிர்ந்துகொள்ளவில்லை (கொடுங்கள்). ஆனால் எனது மகன்களும் மகள்களும் எனது அறிவை மட்டுமே பகிர்ந்து (கொடுக்கும்) மற்றும் உண்மையிலேயே பாராட்டும் தருணம் விரைவில் வரும். நான் அனுபவித்த அனைத்தையும் அவர்கள் அனுபவிப்பார்கள், நான் செய்த அனைத்து படிகளையும் அவர்கள் கடந்து செல்வார்கள். அத்தகைய மக்களிடையே, அந்த இடங்களில் நான் வசிக்கிறேன்: அவர்களின் செயல்கள்-என் செயல்கள், அவர்களின் வார்த்தைகள்-என் வார்த்தைகள், அவர்களின் மனம்-என் மனம், அவர்களின் இருப்பு-என் இருப்பு. இது உண்மையில் உண்மை!!! இராமலிங்கரின் செய்தி மகா கருணையின் பிரதிபலிப்பாகும்.

நான் 2022 டிசம்பர் மாதத்தில் ஒரு நாள் வள்ளலாரிடம் சூழ்நிலைகளை எவ்வாறு எதிர்கொள்ள வேண்டும் என்று என்னை வழிநடத்துங்கள் என்று கேட்டேன் . அன்று இரவு வள்ளலார் எனது கனவில் தோன்றி வகுப்பு எடுத்தார் . போர்டில் AXYB என்ற ஆங்கில எழுத்து எழுதி இருந்தது . எனக்கு அது என்னவென்று புரியவில்லை !

நான் அக்டோபர் 2022 மாத கடைசியில் ஒரு நாள் வள்ளலாரிடம் , யாரும் கடவுளைப் பற்றி சொன்னால் கேட்க மாட்டேங்கிறாங்க என்று கூறி அழுது கொண்டிருந்தேன்! அன்று இரவு வள்ளலார் எனது கனவில் தோன்றி " நீ போ நான் பார்த்துக் கொள்கிறேன் "என்று பதில் கூறினார் . நான் அந்த இடத்தில் வள்ளலாரை உணர்ந்தேன்.

அதிகாலை மணி 3:30 - 4:30 மொட்டை மாடியில் தூங்கி கொண்டிருந்தேன். அந்த இடத்திலே கனவில் நான் வள்ளலாரோடு பேசிக் கொண்டிருக்கிறேன். என் முன்னால் அவர் நிற்க...அவரை பார்த்து நான்.. பெண்களை பார்த்தால் காமம் ஏன் எழுகிறது.... நான் தா எனக்கு காமம் வேண்டாம் சொல்ற ல ....எனக்கு ஏன் இப்படி எண்ணத்த கொடுத்து என்ன சோதிக்கிறீங்க சொல்லி கேட்டேன்.... அன்றிரவே என் கனவில் வந்து.... ஐயா: தம்பி, நீ கேட்ட கேள்வி நியாயம் தான். அதுக்கு நீ உன்னோட பார்வையை மாற்றவேண்டும். நான் : மாற்றனும் நா என்ன பண்ணனும்.....இதுக்கும் ஒரு பாட்டு பாடதீங்க புரியர போல சொல்லுங்க.... ஐயா: (குறுநகையுடன்) நீ உன் எதிரில் வருபவர்களை ஜோதியாக பார்க்க வேண்டும். நான் : ஐயா, உண்மையில் நான் அப்படி பார்க்க தான் நினைக்கிறேன். ஆனால் முடியலயே.. ஐயா: சரி இங்கே வந்து பார் (என்னை வீட்டின் மாடியிலிருந்து பார்க்க சொன்னார்) ஐயா: இப்பொழுது என்ன தெரிகிறது.. எனக்கு எதிர் வீட்டு குழந்தை விளையாடி கொண்டிருந்தால்.. உடனே ஒளி ஆகிவிட்டால்...பக்கத்து வீட்டு அக்கா தெரு விளக்கி கொண்டிருந்தவர் உடனே ஒளியாகி விட்டார்....இப்படியே....தெருவில் வருபவர்கள் போகிறவர்கள்...நாய்கள் எல்லாம் ஜோதியாகி விட்டு அவர்கள் வேலையை தொடர்ந்து கொண்டிருந்தார்கள்..... கண்களில் நீர் வழிய அவரை பார்த்தேன் அவரும் ஜோதியாகவே இருந்தார் அவரை கையெடுத்து கும்பிட்டேன். அவர் தம்பி உனக்கு புரியும் படியாக .... ஆண் உடல் பெண் எல்லாம் எல்லாம் வாகனமே.... Bike ah இருந்தால் ஆண் scooter ஆக இருந்தால் பெண்.... வண்டியை ஓட்டுகிற ஆன்மாவை விட்டுட்டு வண்டியை பார்த்து நீ மயங்கினால் நான் எப்படி பொறுப்பு.... நீ வெளியுலகிற்கு வந்து பார்த்தால் எல்லா வகையான வண்டியையும் எல்லோரும் ஓட்ட ஆரம்பித்து விட்டார்கள்.... அதாவது ஆணுக்குள் பெண், பெண்ணுக்குள் ஆண்....இந்த நிலையை அடைந்து கொண்டிருக்கிறார்கள்.....விரைவில் புரிந்து கொண்டு வா.....அருட்பெரும் ஜோதி....அருட்பெரும் ஜோதி.....தனிப்பெரும் கருணை அருட்பெரும் ஜோதி.... என்று சொல்லி கொண்டு மறைந்து விட்டார்....

Nov 9 2022 அன்று நான் அருட்பெரும் ஜோதி ஆண்டவர் வரும் தினத்தை எனக்கு அறிவிக்குமாறு வேண்டிக் கொண்டு. பின்னர் தூங்கிவிட்டேன். பின்பு இதைப் போன்ற கனவு வந்தது. கனவில் பெரியாரின் உருவப்படம் தோன்றியது. பின்னர் ஒருவர் பேசத் தொடங்கினார்." வள்ளலாரை வருவிப்பதற்காக மூன்று மாதங்களாக பூஜை நடந்து கொண்டிருக்கிறது. அது வருகின்ற டிசம்பர் மாதத்துடன் முடிகின்றது. யாரும் வள்ளலாரை திட்டாதிங்க. அவர் சம்பந்தப்பட்டு இருக்கும் சிலைகளையோ அல்லது லிங்கத்தையோ திட்டாதீங்க. வள்ளலார் சாதாரண ஆள் கிடையாது. பின்பு வள்ளலார் கையெழுத்தால் எழுதப்பட்ட ஒரு புத்தகம் தோன்றியது. அதில் அருட்பெருஞ்ஜோதி என்ற எழுத்து மட்டும் எனக்கு ஞாபகம் உள்ளது. பின்னர் சத்திய ஞான சபை தோன்றியது அதன்அருகில் நிறைய சித்தர்கள் அமர்ந்திருந்தார்கள்.

Dec 1 2022: என் வீட்டு கயிற்று கட்டிலில் உறங்கிக்கொண்டு இருப்பது போல் கனவு எளிமையான குடிசை வீடு அப்போது இராமலிங்க வள்ளல் பெருமான் குடிசைக்குள் நுழைகிறார் நானோ உறங்கிக்கொண்டு இருக்கிறேன் அவர் என்னருகே வந்து கட்டிலில் அமர்ந்துகொண்டு என் வலது உள்ளங்கையை பிடித்து அவர் நெஞ்சிடம் வைத்துக்கொண்டு உன்னோடு தான் நான் எப்போதும் இருக்கிறேன் நீ சரியான வழியில் தான் வந்துகொண்டு இருக்கிறாய் இப்படியே இதையே கடைபிடி உன்னை ஓவ்வொரு அணுவாக ஆட்கொண்டு விடுகிறேன் என்கிறார்.

Nov 2022: அன்று அதிகாலை நேரம் 4-5 மணி இருக்கும் தீடிர் என்று கனவில் எங்கும் வெள்ளை ஒளி அதில் வள்ளலார் ஐயாவின் அருட்காட்சி அவர் திரு பாதங்களின் கீழ் மனிதர்கள் வெள்ளை நிற ஒளி வடிவில் எழுந்து கொண்டு இருந்தார்கள் வள்ளலார் அருள் செய்து கொண்டு இருந்தார் பிறகு எனக்கு விழிப்பு வந்து விட்டது. அருட்பெருஞ்ஜோதி அருட்பெருஞ்ஜோதி தனிப்பெரும் கருணை அருட்பெருஞ்ஜோதி . அன்பே சிவம்.நன்றி

நான்‌‌ தியானம்‌ செய்து கொண்டிருந்தேன் . அப்போது ஒரு விளக்கு தோன்றியது . அந்த ஒளி அந்த இடம் முழுவதும் பரவி . சொல்ல முடியாது படி ஒளி தோன்றியது.பின்பு ஒரு காடு தோன்றியது . அதில் ஒரு வீடு . அதற்கு வெளியே ஒரு மரத்தடியில் நான் அமர்ந்து கொண்டு சிறு கவலையோடு இருந்தேன்.அப்போது பேரொளி தோன்றியது அதில் இருந்து வள்ளல் பெருமானார் தோன்றினார்.பின்பு என் அம்மா என்னை அழைத்தாள் தவம் கலைந்தது.வாழ்க வையகம் வாழ்க வையகம் வாழ்க வளமுடன்.

சபரி (கோயம்பத்தூர்) ஆகிய நான் எனக்கு கனவு வழியாக வள்ளலாரை பற்றி கிடைத்த காட்சியை பதிவிடுகிறேன். நான் ஒரு முறை வாசி யோகா பயிற்சி பயில செந்திருந்தேன் அப்பொழுது அங்கு கண் வழியாக தியான முறையில் வாசி பயிற்சி சொல்லி கொடுக்கப்பட்டது. அங்கு ஒரு குருமார் கண்ணில் தான் இறைவனை உணர முடியுமென்றார். அனால் நான் தினமும் புருவமத்தியில் தியானம் பழகி வந்தேன் ஆகையால் எனக்கு பெரிய குழப்பம் ஏற்பட்டது. அன்று உடனடியாக வீடு திரும்பி வள்ளலாராரிடம் அழுதேன் எனக்கு உடலில் எந்த இடத்தில் அருட்பெரும்ஜோதி காட்சி தருவாரென்று. அன்றிரவே எனக்கு ஓர் கனவு தோன்றியது அந்த கனவில் நான் ஒரு சிவன் கோவில் அர்ச்சகராக உள்ளேன் பக்தர்களுக்கு விபூதி கொடுத்துக்கொண்டிருக்கிறேன் அப்பொழுது வள்ளல் பெருமான் எனது இடதுபுறம் இருந்து என்னை அழைத்தார் இங்கே பார் என்று அழைத்தார் அதை கேட்டு நான் விபூதி கொடுக்கும் வேலையை விட்டு பார்த்தேன் அப்பொழுது அவர் தீபத்தட்டை எடுத்து சிவலிங்கமும் விநாயகப்பெருமானும் ஒருங்கிணைந்த ஒரு சிலையின் உச்சியில் தீபத்தை காட்டி அங்கேய் பார் ஜோதி ஆண்டவர் என்று கூறினார். அதைப்பார்த்து என் கண்களில் தண்ணீர் தரைதாரையாய் வந்தது அவரை பார்த்து நன்றி குருவே சிருசுமத்தியில் சுழுமுனை மேல் தான் அருட்பெரும்ஜோதி இறைவனுடைய் இடமென்று தெரித்துக்கொண்டேன். பக்திஉருக்கத்தில் அவர் காலைப்பிடித்து அழுக முற்பட்டேன் ஆனால் அவறுடைய கால்கள் பிரணவ வடிவத்தில் இருந்ததால் அதை என்னால் பற்ற முடியவில்லை இருப்பினும் அவர் கால்களை பிடித்து நன்றி கூறினேன் என் சந்தேகத்தை தெளிவு செய்ததற்கு. கனவு கலைந்தது சந்தேகமும் கலைந்தது. அருட்பெரும்ஜோதி தனிப்பெரும்கருணை !!

நான் இதுவரை ஜோதி தரிசனம் கண்டதில்லை எனக்கு வெகு நாள் ஆசை .மாத பூசம் அன்று நான் மறந்துவிட்டேன் போக வேண்டும் என்று நினைத்து கொண்டுருந்தேன் முடியவில்லை. அன்று இரவு என் கனவில் ஒரு ஜோதி தோன்றியது .என்ன வென்று புரியவில்லை பின்னர்தான் நான் உன்னர்த்தேன்

அருட்பெருஞ்ஜோதி ஆண்டவர் மற்றும் வள்ளலாரின் வருகை குறித்து எனக்கு ஏற்பட்ட அனுபவங்கள் 2: Jan 16 2022: நான் எனது நண்பரிடம் கடந்த மூன்று வருடங்களாக தாங்கள் புலால் உண்பதை விடவும் என்று சொல்லிக் கொண்டே இருப்பேன். வள்ளலார் மற்றும் அருட்பெரும்ஜோதி ஆண்டவர் வருகை காலம் விரைவில் வரப்போகிறது ஆதலால் சன்மார்க்கத்துக்கு வா என்று சொல்லிக்கொண்டே இருப்பேன். அவரும் முயற்சி செய்கின்றேன் என்று கூறுவார் ஆனால் புலால் உண்பதை விட்டதில்லை. இவ்வாறு இருக்க இந்த வருடம் அவருக்கு ஒரு கனவு வந்தது. அந்த கணவு பின் வருமாறு: அவர் ஓர் அசைவ ஹோட்டலில் சிக்கன் பிரியாணி சாப்பிட்டுக் கொண்டிருக்கிறார். பின்பு cashier ரிடம் சென்று பிரியாணிக்கு எத்தனை ரூபாய் என்று கேட்டார். அதற்கு அந்த cashier நீங்கள் எவ்வளவு கூறினாலும் திருந்த மாட்டீர்களா என்று கேட்டார். பின்பு வள்ளலார் 2022 இல் வரப்போகிறார் என்று கூறினார். அதற்கு என் நண்பர் வள்ளலார் 2024 இல் வருவார் என்று எனது நண்பர் சொன்னார் என்று சொல்ல ! அதற்கு அந்த cashier வள்ளலார் புகைப்படம் பொருந்திய ஒரு புத்தகத்தை எடுத்துக் காட்டினார். அந்த புத்தகத்தில் இடது தாள்ளில் சில பாடல் வரிகள் இருந்தன. அந்த பாடல் வரிகளுக்கு கீழ் மிக பெரிய எழுத்தில் 24-12-2022 என்று இருந்தது. பின்பு கனவு கலைந்தது.... இந்த கனவை என் நண்பர் தொலைபேசி இல் அழைத்து சொன்னார். அவருக்கு கனவில் பார்த்த தேதி மட்டும் சரியாக ஞாபகம் இல்லை என்று சொன்னார்.

அருட்பெருஞ்ஜோதி ஆண்டவர் மற்றும் வள்ளலாரின் வருகை குறித்து எனக்கு ஏற்பட்ட அனுபவங்கள் 1: Dec 12 2021 எனக்கு வந்த கனவு: எனக்கு வேறு ஒரு மாநிலத்தில் வேலை கிடைத்து இருந்தது. அந்த வேலைக்கு நான் சென்றால் அடிக்கடி வடலூர் வரமுடியாது ஆதலால் அந்த வேலைக்கு செல்லலாமா வேண்டாமா என்று நான் அருட்பெருஞ்சோதி ஆண்டவனர பிரார்த்தனை செய்து கொண்டே இருந்தேன். ஒருநாள் அவ்வாறு பிரார்த்தனை செய்து கொண்டே தூங்கி விட்டேன். அப்போது இவ்வாறு கனவு வந்தது. நான் ஓரிடத்தில் நின்று கொண்டிருக்கின்றேன் திடீரென்று வெள்ளை நிறத்தில் ஒரு ஜோதி தோன்றியது. நான் அந்த ஜோதியே பார்த்தவுடன் அந்த ஜோதி குல் குதித்துவிட்டேன். அப்போது ஒரு வீடு தோன்றிற்று. அந்த வீட்டில் ஒருவர் உபதேசம் சொல்லிக்கொண்டிருந்தார். அந்த இடத்தில் நிறைய மனிதர்கள் அமர்ந்து இருந்தார்கள். நான் அங்கு நின்று கொண்டு அவர் சொல்லும் உபதேசத்தைக் கேட்டுக் கொண்டிருந்தேன். முதலில் அவர் வள்ளலார் கூப்டா தான் வருவாரு இல்லாட்டி வெளியே நின்று வேடிக்கை தான் பார்ப்பார் என்று கூறினார். பின்பு திடீரென்று அவர் கிழக்கு வெளுத்தது அருள்ஜோதி உதயம் என்ற ஒரு பாடலை பாடினார். பின்பு அங்கு இருந்தவர்கள் எல்லாம் அருட்பெருஞ்ஜோதி ஆண்டவர் வருகிறார் ! அருட்பெருஞ்ஜோதி ஆண்டவர் வருகிறார்! என்று ஆனந்தக் கண்ணீர் விட்டார்கள். எனக்கும் கண்களில் கண்ணீர் வந்தது. பின்பு கனவு கலைந்து எழுந்து விட்டேன். பின்பு நான் திருவருட்பாவில் கனவில் அவர் பாடியவரிகள் இருக்கிறதா என்று பார்த்தேன். என்ன ஒரு அதிசயம் அந்தப்பாடல் திருவருட்பாவில் இருந்தது ! அந்தப் பாடல் வரிகள் "கிழக்குவெளுத் ததுகருணை அருட்சோதி உதயம் ! கிடைத்ததென துளக்கமலம் கிளர்ந்ததென தகத்தே சழக்குவெளுத் ததுசாதி ஆச்சிரமா சாரம் சமயமதா சாரம்எனச் சண்டையிட்ட கலக வழக்குவெளுத் ததுபலவாம் பொய்ந்நூல்கற் றவர்தம் மனம்வெளுத்து வாய்வெளுத்து வாயுறவா தித்த முழுக்குவெளுத் ததுசிவமே பொருள்எனும்சன் மார்க்க முழுநெறியில் பரநாத முரசுமுழங் கியதே."

நான் ஒரு கிறிஸ்துவர் மற்றும் இஸ்லாமியர் உடன் பேசிக்கொண்டிருந்தேன். அவர்களிடம் நான் நீங்கள் இயேசு என்றும் அல்லாஹ் என்றும் கூறுகிறீர்கள் நான் அருட்பெருஞ்ஜோதி என்று கூறுகின்றேன் என்று அவர்களிடம் சொல்வது போல் கனவு வந்தது.

நான் எனது அலுவலகத்தில் வள்ளலாரின் ஆறு அடி திரு உருவப் படத்தை பார்த்தேன். பின்பு எனது நண்பர் ஒருவர் அந்த படத்தை தொட்டார். அந்தப் படத்தில் வள்ளலாரின் முகத்தில் திருநீறு பூசி இருந்தது.

மகா அவதார் பாபாஜியின் உருவப்படம் இருப்பது போல் உணர்ந்தேன். பின்பு ஒரு பெரியவர் என்னிடம் தான் எப்போதும் சூடான நீரை தான் குடிப்பேன் என்று சொன்னார். நான் அவரிடம் வள்ளலாரும் சூடான தண்ணீர் குடிக்குமாறு சொல்லி உள்ளார் என்று சொன்னேன்.

வள்ளலார் ஒருவரின் உடலில் இருந்து அருள்வாக்கு சொல்லிக் கொண்டிருந்தார். எனது தாய் மற்றும் என்னுடைய அக்கா அருகில் அமர்ந்திருந்தார்கள். பின்பு வள்ளளர் அருட்பெரும்ஜோதி தனிப்பெரும்கருணை என்று ஒரு கருப்பு பேனாவில் எழுதினார். அந்த எழுத்து அருட்பெரும்ஜோதி அகவலில் வள்ளலார் எழுதிய எழுத்துப் போல் இருந்தது. அவர் என்னை வடிவுடை மாணிக்க மாலை படிக்குமாறு சொன்னார். பின்பு ஏதோ சொல்லிவிட்டு.நானும் இந்தப் பையனும் அடிக்கடி சண்டை போட்டுக் கொள்வோம் பின்பு சேர்ந்து கொள்வோம் என்று சொன்னார். எனக்கு அவரை கட்டியணைக்கும் போல் தோன்றியது. பின்பு நான் எனது கனவில் இருந்து எழுந்து விட்டேன்.

இன்று அதிகாலை 2.30 மணி அளவில் நான் கண்ட காட்சி. ஒருவர் வெள்ளை ஆடையுடன் வந்து என்னுடைய பெயரைச் சொல்லி மூன்று முறை அழைத்தார் அதன் பின்னர் என் அருகில் வந்து பெருவிரலை என் புருவ மத்தியில் வைத்து ஆன்மா மிகத் துடிக்கின்றது என்றார் அதன் பின்னர் வெகு விரைவாக மறைந்தார் அவருடைய முகத்தை அவருடைய பல் வரிசையை வர்ணிப்பதற்கு வார்த்தை கிடையாது அவ்வளவு அவ்வளவு பிரகாசம் உடைய அழகும் நிறைந்த பற்களும் வரிசைப் பற்களும் அவர்களும் உள்முகமாக இருந்தன அந்த காட்சி அற்புதக் காட்சி கண்கொள்ளா காட்சியாக இருந்தது அந்த காட்சியை வர்ணிக்க வார்த்தை இல்லை அந்த திருமுகத்தை வர்ணிக்க வார்த்தை இல்லை அவர் வள்ளலார் என்று நான் உணர்ந்தேன் இதுவே நான் கண்ட கனவு.

நான் ஒருநாள் வடலூரில் இருந்தேன். பிரார்த்தனை செய்யும் இடத்தில் அருண் என்னும் ஒரு நண்பரை சந்தித்தேன். இருவரும் வாழ்க்கையில் நடந்த பலவற்றைப் பற்றி பேசிக்கொண்டிருந்தோம் பின்பு தங்களின் தனிப்பட்ட விஷயங்களை பகிர்ந்து கொண்டோம். நான் திடீரென்று வள்ளல் பெருமான் வேட்டையபுரம் செல்லும்போது ஒரு குகையில் இருந்த இடத்தைப் பற்றி சொன்னேன். அந்த இடம் விழுப்புரம் பக்கத்தில் உள்ளது. பின்பு அருண் சகோதரர் அவருக்கு ஒரு குகையில் இருந்து தவம் செய்து கொண்டிருப்பது போல் கனவு வந்தது என்று கூறினார். நான் அதை கேட்டவுடன் ஆச்சரியப்பட்டேன். பின்பு நாங்கள் இருவரும் வள்ளல் பெருமான் தவம் செய்த குகைக்கு செல்லவேண்டும் என்று முடிவு செய்தோம். காலையில் சென்னையில் இருந்து புறப்பட்டு நாங்கள் இருவரும் அந்த குகைக்கு சென்றோம். அது இருவருக்கும் நல்ல அனுபவமாக இருந்தது. அருட்பெருஞ்ஜோதி தனிப்பெருங்கருணை.

என்னுடன் அலுவலகத்தில் வேலை செய்யும் நபர் ஒருவர் எனது கனவில் வந்தார். அவரிடம் இந்த சனிக்கிழமை அன்று நான் வடலூர் செல்கின்றேன் தாங்களும் வருகிறீர்களா என்று கேட்டேன். பின்பு அவருக்கு அருட்பெருஞ்ஜோதி அகவல் பற்றி கூறினேன் கனவு கலைந்துவிட்டது. பின்பு நான் அலுவலகத்திற்கு சென்று நான் கனவில் கண்ட நபரிடம் தாங்கள் வடலூர் வருகிறீர்களா என்று நேரில் கேட்டேன். அவர் முதலில் வருவதாக சொன்னார் பின்பு ஏதோ வேறு ஒரு வேலை இருப்பதாக சொல்லி வரவில்லை. பின்பு நான் வடலூர் சென்று அவருக்கு ஆறாம் திருமுறை திருவருட்பா புத்தகத்தை வாங்கிச் சென்று கொடுத்தேன் அவர் மகிழ்ச்சியுடன் பெற்றுக் கொண்டார்.