May 30 2021 - நான் எனது நண்பர் மற்றுமொருவர் சேலம் குப்புசாமி ஐயா வின் சொற்பொழிவைக் கேட்டுக் கொண்டிருந்தோம். குப்புசாமி ஐயா எங்களிடம் நீங்கள் யாராவது பிரம்மாவை கனவில் கண்டது உண்டா என்று கேட்டார். அதற்கு நாங்கள் பார்த்துள்ளோம் என்று சொன்னோம். அதற்கு சேலம் குப்புசாமி ஐயா நீங்கள் அனைவரும் அதிஷ்டசாலிகள் இந்த சிறு வயதிலேயே பார்த்துள்ளீர்கள் என்று சொன்னார் .நான் குதம்பை சித்தரையும் கனவில் பார்த்துள்ளேன் என்று சொன்னேன். அதற்கு அவர் வள்ளலாரை கனவில் காண்பது கடினம். ஆனால் நீங்கள் ரோட்டோரம் உள்ள கடைகளுக்கு சென்றால் அங்கே அவரைப் பார்க்கலாம்.அந்த மக்கள் படும் கஷ்டத்தை பார்த்து அதை தீர்க்க அவரே நேரில் சென்று விடுவார் என்று கூறினார்கள்.

May 30 2021 - நான் ஒடிசா மாநிலத்தில் ஒரு விநாயகர் கோவிலில் இருந்தேன். அங்கே இருந்த ஒரு பெண் என்னிடமிருந்த அருட்பெருஞ்ஜோதி அகவல் புத்தகத்தை எடுத்து விட்டு ஓடிவிட்டாள். பின்பு அந்த புத்தகத்தைத் தேடி கண்டுபிடித்து விட்டேன். அந்த புத்தகத்திலிருந்து காகிதங்கள் புதிதாகவும் சிலது பழையதாகவும் இருந்தது. வள்ளலாரின் கையெழுத்தில் எழுதப்பட்ட அகவல் பாடல்கள் அதில் இருந்தது.

May 29 2021 -ஒரு பையன் எனது வீட்டில் இருந்தான். அவனிடம் ஒரு காகிதம் இருந்தது. அந்த காகிதத்தில் ஏதோ எழுதப்பட்டிருந்தது போல் இருந்தது. பின்பு அதை நான் பார்த்தேன் அதில் திருவருட்பா பாடல்கள் இருந்தன.

May 26 2021 - நான் ஒரு நபரிடம் அருட்பெருஞ்ஜோதியே நான்கு முறை நேரில் பார்த்ததை சொல்லிக்கொண்டிருந்தேன். அந்த நபர் பார்க்க இளமையாக இருந்தார். அவரின் பக்கத்தில் ஒரு பெண் இருந்தாள்.அவள் ஏதோ ஒன்றை கத்திக்கொண்டு இருந்தாள்.

May 11 2021 -ஒரு காகிதத்தில் வினாக்கள் இருந்தன.அந்த வினாக்களுக்கு பதில்கள் படமாக இருந்தது. நான் முதலில் சரியான படத்தை டிக் செய்ய தொடங்கினேன். ஆனால் பின்பு தான் தெரிந்தது தவறான படத்தை கிழிக்க வேண்டுமென்று. அதில் இருந்த முதல் வினாவிற்கு வள்ளலாரின் படம் பதிலாக இருந்தது. ஏதோ ஒரு பெண் அந்த படத்தை தொடுவது போல் உணர்ந்தேன்.அந்தப் படத்தில் எல்லா உயிர்களும் இன்புற்று வாழ்க என்று எழுதப்பட்டிருந்தது.

May 11 2021 - என்னுடன் வேலை செய்பவர் காலையில் (5:28am) என்னை தொலைபேசியில் அழைத்தார்.நான் அந்த அழைப்பை எடுக்கவில்லை.பின்பு அவரை பார்த்தவுடன் அவர் என்னுடன் சேர்ந்து காபி சாப்பிட்டுவிட்டு வள்ளலாரைப் பற்றி பேச தான் கூப்பிட்டேன் என்று சொன்னார்.

March 5 2021 -ஸ்டாலின் ஒரு தொலைக்காட்சி நிகழ்ச்சியில் வள்ளலாரை பற்றி பேசிக்கொண்டிருந்தார் அந்த நிகழ்ச்சியின் பெயர் ஸ்டாலின் செய்வாரா. வள்ளலாருக்கு கட்டவுட் வைக்கவேண்டும் என்று கூறினார். அங்கிருந்த புகைப்படம் எடுக்கும் நபர் இந்த இடம் வள்ளலாரின் இடம் என்று கூறினார்.

May 2 2021 - நான் ஓடிச்சென்று ஒரு பேருந்தில் ஏறினேன். பேருந்தில் இருந்து ஒரு வாகனம் செல்வதை பார்த்தேன். அந்த வாகனத்தில் அருட்பெருஞ்சோதி தனிப்பெரும்கருணை என்ற மகா மந்திரம் எழுதப்பட்டிருந்தது.

Apr 24 2021- நான் அருட்பெருஞ்ஜோதி அகவலை படித்து கொண்டு மற்றவர்களுக்கும் அதை பற்றி போதித்து கொண்டிருந்தேன். எனது பாட்டியின் வீட்டில் ஒரு பெண் அமர்ந்து இருந்தாள். அவளைப் பார்த்து எனது அம்மா இவள்தான் நீ கல்யாணம் செய்யப்போகும் பெண் என்றான். பின்பு கல்யாணம் நடந்தது போல் உணர்ந்தேன். பின்பு அந்தப் பெண்ணை அழைத்துக் கொண்டு சத்திய ஞான சபைக்கு சென்று ஐயோ எனக்கு கல்யாணமாகி விட்டதே என்று அழுதேன்.

April 11 2021 - நான் சித்திவளாகம் அருகில் மிதி வண்டி ஓட்டிக் கொண்டிருந்தேன். பின்பு எனது நண்பனையும் சித்திவளாகம் அழைத்துச் செல்லலாம் என்று நினைத்தேன்.

April 8 2021 - நான் எனது அக்கா மற்றும் எனது அம்மா சன்மார்க்க சங்கம் செல்கின்றோம் அது ஒரு மலைப் பகுதியில் இருந்தது.

Apr 04 2021 - நான் சத்திய ஞானசபையில் இருந்து கொண்டு மருவு பெண்ணாசையை மறக்கவே வேண்டும் என்னும் திருவருட்பா பாடலைக் கேட்டுக் கொண்டிருந்தேன். ஒரு நபர் என்னிடம் வந்து இந்த பாடலை எங்கிருந்து பெற்றீர்கள் என்று கேட்டார் . அதற்கு நான் இது திருவருட்பா ஐந்தாம் திருமுறையில் இருக்கும் பாடல்.இதை ஒரு இணைய தளத்திலிருந்து பதிவு செய்து கொண்டேன் என்று கூறினேன். ஒரு பெண் என்னிடம் உணவு கொடுத்தார். என்னை சுற்றி இளைஞர்கள் இருந்தார்கள்.

Mar 24 2021 - நான் ஒரு சன்மார்க்க சங்கத்தில் இருந்தேன். எனது அம்மா வள்ளலாரின் புகைப்படத்தை பார்த்துக்கொண்டிருந்தார் மற்றும் கண்ணாடியை பார்த்தார் அதிலும் வள்ளலாரின் பாடம் தெரிந்தது. எனது நண்பர் ஒருவர் கருப்பு பலகையில் அருட்பெருஞ்ஜோதி என்று எழுதினார் மற்ற நாள் அருட்சோதி என்று எழுதினார்.

Mar 23 2021 - யாரோ ஒருவர் என்னிடம் ஞானபிரபந்தன் படத்தைக் கொடுத்தார் . அங்கே ஒரு பெண் இருந்தார் அந்தப் பெண் அவருடைய மனைவி போல் இருந்தது. அந்தப் படத்தில் சில மந்திரங்கள் எழுதப்பட்டிருந்தன. நான் நினைத்தேன் , இவர் ஏன் தனது படத்தை மற்றவர்களுக்கு கொடுக்கிறார் வள்ளலார் கூட தன்னை மிகைப்படுத்தி காட்டிக் கொள்ள வில்லையே என்று. அங்கிருந்த ஒருவர் எனது தந்தை குடித்து இருக்கிறார் என்று சொன்னார் . முதலில் அவரை திட்டி விட்டேன். பின்பு வள்ளலார் யாரையும் திட்டக்கூடாது என்று சொல்லியிருக்கிறார் என்று நினைத்து அவரிடம் சென்று மன்னிப்புக் கேட்டேன்.

Mar 20 2021 - நான் படப்பை சன்மார்க்க சங்கத்தில் இருந்தேன். வள்ளலார் என்னிடம் வைத்த கருணையை எண்ணி அங்கிருந்த ஒருவரிடம் அழுதேன்.

Mar 12 2021 - என்னுடன் சேர்ந்து வேலை செய்பவர் எனது கனவில் வந்தார் அவரிடம் புலால் உண்ணக்கூடாது என்று சொல்லிக்கொண்டிருந்தேன். திருக்குறளையும் திருவருட்பாவை பற்றியும் சொன்னேன்.

Mar 9 2021 -நான் கருப்புராயன் கோயிலில் இருந்து கொண்டு அருட்பெருஞ்ஜோதி தனிப்பெரும் கருணை என்ற மகா மந்திரத்தை சொல்லிக் கொண்டிருந்தேன்.

May 7 2021 - வள்ளலாரின் இரண்டு படங்கள் தேவாலயத்தில் இருந்தன. ஒரு படத்தில் மீசை வைத்துக் கொண்டிருந்தார். படங்கள் தொங்க பட்டிருந்த இடங்கள் திருத்த வெளி சன்மார்க்க சங்கம் போலிருந்தது.

Feb 28 2021 - வள்ளலார் ரோட்டில் நின்று கொண்டிருந்தார் அவரை கட்டிப்பிடிக்க நான் ஓடிச் சென்றேன். நான் அருகில் சென்றதும் வயதானவர் போல் மாறி விட்டார்.

Feb 25 2021 - எனது நண்பர் ஒருவர் கனவில் தோன்றினார் அவரிடம் உனது தந்தை எங்கே சன்மார்க்க சங்கம் வைத்துக் கொண்டிருக்கிறார் என்று கேட்டேன்.அது எங்கே கஸ்தூரி பாளையத்தில் உள்ளதா என்று கேட்டேன்.